Ano ang Princess Coloring Game?

Ang Princess Coloring Game ay isang libreng mobile game app na pwedeng ma-download sa Google Play. Ito ay may Rating na E kung saan pwede itong laruin ng kahit anong edad. Ito ay nasa kategoryang ‘Coloring Games’ at ‘Educational’ kaya naman maganda itong ipalaro sa mga batang babae upang sila ay mawili at matuto sa larangan ng sining. Para na rin silang nagkulay sa totoong coloring book sa pamamagitan ng larong ito. 

Sa kasalukuyan, ang pinakahuling update sa larong ay noong Setyembre 29, 2021 lamang at nagtala ito ng mahigit 10 milyon na downloads! Upang ma-download at ma-install mo ang larong ito, kailangan mo ng android na gadget na merong pinakamababang version na 4.4. Kahit na ito ay libreng mobile game app, meron ding nabibiling mga feature nito sa loob ng app na nagkakahalaga ng $2.49 bawat item.  

Ang larong ito ay para sa iyo kung hilig mo ang mga naggagandahang prinsesa o mga reyna at mahilig kang gumuhit o magpinta. Sa kasalukuyan, ang larong ito ay mayroong 400 na larawang pwede mong kulayan. Ito ay tamang-tama para sa lahat ng princess fans! Ang bawat pahina ay may iba’t ibang disenyo bukod pa sa mga naggagandahang prinsesa, kastilyo, kabayo at iba pa.

Princess Coloring Game: Walkthrough

Ang Princess Coloring Game ay dinisenyo para sa buong pamilya upang mahiyakat ang bawat isa sa paglikha ng mga magagandang sining sa masayang kaparaanan. Ang madaling pagna-navigate sa laro ang isa sa magandang feature nito kaya bagay itong laruin ng mga kababaihan anuman ang edad.

Pwede mong kulayan lahat ng disenyo ng kahit anong kulay. May mga pahina na simple lamang ang disenyo at meron namang mga kumplikado. Sa mga kumplikadong larawan, pwede mong kulayan lahat ng parte tulad ng mga damit at korona, maging sa mga pinakamaliit na detalye ng mga ito. Maaari ka ring maglagay ng mga sticker upang makumpleto ang larawan o pwede ka ring maglagay ng mga salita kung meron kang nais na ipahayag na mensahe.

Napakarami ring tools na makikita sa loob ng app. Halimbawa, pwede kang magdagdag ng iba’t ibang klase ng mga shade o texture sa mga bahagi ng larawan. Pwede ka ring maglagay ng mga iba’t ibang klase ng linya. Napakarami ng mga kulay na pagpipilian sa default ng laro ngunit maaari ka ring magdagdag ng mga nais mong kulay kung sakali mang hindi ito nakalagay sa pagpipilian.

Maaaring pagandahin mo pa ang iyong likha sa pamamagitan ng iba’t ibang sticker na pwede mong pagpilian sa app. Ang mga sticker na ito ang kukumpleto sa iyong ginagawa. Ang mga sticker na ito ay may mga larawan ng mga prinsesa, alahas, karwahe at iba pang mga kategorya. 

Bukod pa sa mga nabanggit, available rin ang iba’t ibang klase ng kulay ng “skin” sa Princess Color Game upang makilala lahat ng iba’t ibang lahi. Ito ay available sa mga prinsesa at prinsipe sa larong ito. Maaari mong i-screenshot ang iyong natapos na likha at i-share ito sa iyong mga kaibigan at pamilya.

Pagsusuri at Rating ng Princess Coloring Game

Ang Princess Coloring Game ay kasalukuyang merong 4.1 out of 5 na average rating. Ito ay base sa mgareviews at ratings ng mahigit sa 91,000 na nakasubok na ng larong ito. Ang iba sa mga nagbigay ng 5 stars na rating ay mayroon ding magagandang feedback tungkol sa laro. Mayroon mangnagbigay ng rating na 1 star aminado naman silang nagagandahan pa rin sila sa graphics at features ng larong ito ayon sa kanilang binigay na feedback. 

Narito ang mga piling feedback galing sa mga sumuri ng Princess Coloring Game:

Ayon sa isang gumamit nito, mas madali itong gamitin kumpara sa ibang laro na katulad nito. May mga lumalabas na ads ngunit kaunti lamang kaya hindi ka masyadong magagambala sa iyong ginagawa. Napakaraming larawan na pagpipilian at pwede ka ring gumawa ng sarili mong likha sa mga background.  

Sinulat naman ng isa pa na siguradong mamahalin daw ang larong ito dahil pinapataas nito ang antas ng pagkamalikhain ng bawat gumamit nito. Kaya hinihikayat niya ang karamihan na i-download ang larong ito upang mailabas ang kanilang pagkamalikhain at maipakita nila ang kanilang kakayahan sa larangan ng sining. Siya mismo ay nahumaling sa pagguhit dahil sa larong ito ngunit inaamin niyang marami pa siyang matututunan lalo na sa paghahalo ng mga kulay para sa mas ikakaganda pa ng kanyang nilikha. 

Sinabi rin sa isang review na ito na ang pinakamagandang laro na pinalaro niya sa kanyang mga maliliit na anak. Ang mga bata ay natutong magkulay, maging ang pagguhit na sinusundan ang maliliit na mga tuldok. Nahumaling siya sa laro kaya siya mismo ay sumubok magpinta gamit ang mga numero, paru-paro, sirena at iba pang gamit na nasa laro. Inamin niyang maging siya ay malaki ang natutunan mula sa laro kaya pinapasalamatan niya ang gumawa nito at hinihikayat niyang i-download rin ito ng iba.

Sobrang nagandahan rin sa laro ang isa pang nagbigay ng feedback sapagkat kakaiba raw at magaganda talaga ang mga larawan. Maporma ang mga character sa mga larawan at madali silang pilian ng mga ibabagay na kulay. Ang kanyang mga anak na babae ay nahihirapan gumuhit sa mga nakikita nito sa Google at Youtube ngunit sa tulong ng larong ito, naeensayo ang kanilang likas na talento sa pagguhit at pagpinta. Kaya inirerekomenda niya ang larong ito para sa mga bata at maging sa mga matatanda. 

Konklusyon

Tunay nga na ang Princess Coloring Game ay isa sa mga pinakamagandang mobile game app kung saan matututo kang gumuhit, magpinta at ilabas ang iyong pagkamalikhain habang ika’y natutuwa sa iyong ginagawa. Siguradong hindi ka magsisisi sa pag-download sa larong ito dahil subok na ito sa mahigit na 10 milyon na downloads, 4.1 na average na ratings galing sa mga nakagamit na, at mga positibong mga feedback at rekomendasyon. Bukod pa rito, ginawang user-friendly ng mga developers ang larong ito kaya madaling gamitin ng kahit sino maging bata o matanda.

I-download ang Big Win Club app para sa mas marami pang online na laro kasama ang mga totoong tao, na may patas na kompetisyon at magbibigay sa iyo ng magandang pakiramdam.