Sa panahon ngayon, hindi na bago sa ating pandinig ang isang golf club. Alam din natin na hindi lahat ay may kakayahan na maging miyembro nito. Pero ano nga ba talaga ang nasa loob at ang mga serbisyo na ibininigay nito sa kanilang mga miyembro?

Big Win Island Golf 

Ang Big Win Island Golf na matatagpuan sa Baysville Ontario, Canada ay isa sa mga kilalang destinasyon ng mga manlalaro o mahilig maglaro ng golf at mga bakasyunista. Kung hilig mo rin ang pamamasyal sa isang malaking isla, meron itong nakamamanghang laki, kung saan makikita mo rin ang mga magagandang tanawin ng kalikasan na nakapalibot rito.

Bago ito naging sikat na palaruan ng golf, ito ay binansagan noon na pinakamalaki at mamahaling bahay-bakasyunan dahil sa disenyo nito, mga interyor, mga propesyonal na namamahala at nagtatrabaho dito, at maging ang pamamalakad dito. Pagkalipas ng walumpung taon simula ng ito ay nagbukas, ang mga miyembro at ang mga panauhin rito ay maaari nang makapaglaro sa lugar habang mae-enjoy din nila ang masasarap na pagkain at iba pang mga  serbisyo at imprastraktura.

Itong nasabing palaruan ay gawa ng isang tanyag na arkitekto na si Doug Carrick. Siya ay kilala rin sa iba’t ibang parte ng mundo dahil sa husay at galing niya sa nasabing larangan. Ang ginawa niyang disenyo sa palaruan na ito ay mayroong iba’t ibang uri ng lokasyon na may iba’t iba ring sukat at laki. Ang bughaw na palaruan ay may lawak na 6,742 yards, ang puti naman ay may laki na 6,287 yards, at ang pangatlo na may sukat na 5,346 yards, ay ang pula. Bukod dito, meron din silang clubhouse at pasilidad para sa pagsasanay. Ibig sabihin, ekspertong manlalaro ka man o hindi, pwedeng manatili at maglaro dito.

Katulad ng ibang mga palaruan, sila rin ay may mga patakaran at regulasyon na dapat sundin bago ka makapasok at makapaglaro. Sa pagpasok at paggamit sa mga serbisyo nito, dapat kinikilala kang miyembro ng club, maaaring kapamilya ng isang miyembro, o may pahintulot galing sa organisasyon upang ma-enjoy ang 520 acres na paraiso. Pagdating naman sa paglalaro, may angkop na kasuotan para sa mga babae at lalaki. Kung sakaling ikaw ay hindi nakapaghanda ng maisusuot, walang problema dahil meron silang tindahan sa loob kung saan pwedeng mabili ang mga kailangang kagamitan.

Mga Serbisyong Inaalok

Usapang serbisyo ng palaruan naman tayo. Sa mga lugar na ganito, lagi nating naiisip na puro laro lang ang nagaganap at siguro hindi lahat ng tao ay masisiyahan sa kanilang pananatili. Pero dahil sa kakaibang pagkakagawa at pagkakaayos ng kanilang palaruan, marami pa rin ang maaaring ma-enjoy na gawin dito.

Isa sa mga alok nila ay ang libreng valet parking at mismong tauhan nila ang magpa-park ng sasakyan para sa iyo. Mayroon din silang maliit na lantsa na gamit bilang transportasyon kung gusto ninyong lumibot o pumunta sa kalapit na isla. Mayroon ding iba pang serbisyo tulad ng paglilinis, katulong sa paglalaro at paglilibot sa buong palaruan gamit ang kanilang cart, mga tindahan na may nakatokang mga empleyado na handang tumulong sa paghahanap ng mga angkop na gamit sa paglalaro, pati na rin ang nababagay na kasuotan.

Nandiyan din ang kanilang mga pasilidad para sa pagsasanay kung saan pwedeng mag-ensayo muna habang hindi pa kumportableng maglaro sa palaruan. Kung gusto din ninyong maranasan ang kumain sa labas na may magagandang tanawin at sariwang hangin, mayroon silang ihawan sa tabi ng lawa at iba’t ibang uri ng luto nang pagkain na pwede ring ihatid sa mismong silid o tinutuluyan kung nanaisin.

Kung hindi ka man naglalaro ng golf, pwede kang magbasketbol o kaya naman ay mag-tennis. Mayroon din silang mga pasilidad para sa mga larong nabanggit na inaalok nila sa lahat, lalo na sa mga hindi mahilig sa golf.

Pagdating naman sa kanilang masasarap na pagkain, hindi ito posible kung wala ang kanilang mahuhusay na katiwala sa kusina na pinangungunahan ni Domenic Grimaldi, isang certified Chef de Cuisine. Kilala siya bilang isang mahusay na chef na dalubhasa sa Italian at French cuisine. Magkahalong moderno at klasiko ang estilo niya sa pagluluto kaya maraming tao ang napapahanga niya.

Mayroon ding iba’t ibang klase ng alak na pwede ma-enjoy anumang oras mong gustuhin. Kaya kung ikaw ay mahilig sa pagtitipon o pagsasalo kasama ang pamilya, mga kaibigan, o gusto mo lang talagang lumabas para magrelax at mag-enjoy, siguradong magugustuhan at sulit na sulit ang bayad mo dito.

Kung ang hanap mo naman ay mabilisang pagkain, nariyan ang kanilang Halfway House na merong mga inihaw na pwede mong pagpilian. Saang sulok ka man mapunta sa palaruang ito, tiyak na hindi ka magugutom.

Pandaigdigang Laro

Ang mga ganitong palaruan saang sulok man ng mundo ay nakakatanggap din ng iba’t ibang uri ng mga parangal. Taun-taon hindi nagpapahuli ang Big Win Island Golf at umaarangkada din ito pagdating sa paligsahan ng may pinakamahusay na palaruan sa Canada.  Dahil dito, hindi maipagkakaila ang popularidad ng palaruan hindi lamang sa nasabing bansa, kundi pati na rin sa mga manlalaro o mahilig sa golf sa iba’t ibang parte ng mundo.

Isa sa mga pagbibigay-puring natanggap ng palaruan ay ang internationally-accredited 2019 Housing Award para sa kanilang bahay-panuluyan. Ito ay nagsasabi na ang lugar na ito ay merong mga pansamantalang tuluyan na mahusay ang pagkakagawa at maging ang pagpapanatili nito. Dahil sa seguridad at kalidad, rekomendado ito para sa lahat. 

Dito ay makikita at mararamdaman rin ng mga panauhin ang kahalagahan ng mga likas na yaman sa kapaligiran. Bukod pa doon, sinisigurado din ng palaruan ang seguridad at pagiging komportable ng kanilang mga panauhin.

Konklusyon

Mag-isa ka man, kasama ang pamilya o mga kaibigan, sigurado na kayo ay magkakaroon ng masaya at sulit na sulit na karanasan sa Big Win Island Golf kung isa ka sa mga miyembro nito. Bukod sa magagandang tanawin, magarbong mga imprastraktura, masarap at masusustansyang pagkain, mararanasan mo rin ang mainit na pagtanggap at sulit na serbisyong hatid ng mga empleyado rito. Dahil diyan, hindi na nakakagulat na may pinakamataas na marka ang palaruang ito sa nasabing bansa. Kung ikaw ay nagpaplano ng isang hindi malilimutang bakasyon na may kasama pang paglalaro ng golf, basketbol, o tennis, perpekto ang lugar na ito para sa iyo.

Ang mga slot machine para sa mga Pilipino ay ibinibigay kasama ang tradisyunal na laro ng card dito sa Big Win Club. Sumali sa amin at mag-enjoy! Just for you – Big Win Club.