Ano ang Ball Sort Puzzle Online Game?

Ang Ball Sort Puzzle Online Game ay isang libreng mobile game app na inilabas noong Pebrero 7, 2020 at pwedeng ma-download sa Google Play Store. Ito ay may ‘content rating’ na E kung saan pwede itong laruin ng kahit anong edad. Ito ay nasa kategoryang ‘casual’ kaya naman maaari mo itong gawin sa libreng oras at hindi kailangang magbabad sa paglalaro. Ang huling bersyon ng larong ito ay kaka-update lamang noong ika-22 ng Oktubre ng kasalukuyang taon at nakapagtala na agad ng mahigit 50 milyon na downloads. Upang ma-download at ma-install mo ang larong ito, kailangan mo ng android gadget na nasa version na 4.4, pataas. Hanapin lamang ang Ball Sort – Color Puzzle Game sa Google Play Store at malalaro mo na ang nakatutuwang puzzle game na ito. Kahit na ito ay libreng mobile game app, meron ding nabibiling mga features sa loob ng app na nagkakahalaga ng $0.99 hanggang $9.99 bawat item.  

Ball Sort Puzzle Online Game: Walkthrough

Ang Ball Sort Puzzle Online Game ay isang nakatutuwa at nakakaadik na puzzle game! Ihahanay mo lahat ng mga magkakakulay na bola sa loob ng mga tubo hanggang sa ang lahat ng mga magkakaparehong kulay ay magkakasama nang nakahilera. Ito ay isang mapaghamong laro ngunit siguradong mare-relax ang mga manlalaro nito dahil maeensayo ang kanilang mga utak.

Para mapagsama-sama ang mga magkakakulay na bola, planuhin mo muna kung anong grupo ng kulay ang nais mong buuin. Pagkatapos nito, hanapin mo kung saang mga tubo naroon ang mga kulay na iyon. Tandaan na maililipat mo lamang ang pinakaibabaw sa hanay ng mga bola sa loob ng tubo. Para mailipat ito, kailangan mong i-tap ang tubo kung saan nandoon ang bola na nais mong ilipat at pagkatapos ay i-tap rin ang tubo kung saan mo ito gustong ilagay.

Kailangan ding tandaan ng maglalaro na malilipat lamang ang napiling bola kung kakulay ng bolang iyon ang bola sa lilipatan nitong tubo. Maililipat mo lamang ang bola papunta sa kabilang tubo kung hindi pa ito puno. Subukan mong huwagma-stuck sa isang level. Kapag hindi ka na makausad, maaari mo rin namang laruing muli ang level na ito mula sa umpisa. 

Mga Features ng Ball Sort Puzzle Online Game

Ang Ball Sort Puzzle Online Game ay merong ‘one-finger control’ feature na ang ibig sabihin ay maaaring makapaglaro kahit isang daliri lang ang gamit. Dahil dito, napakadali nitong laruin at maaari pang ipalaro kahit sa mga bata. Di tulad ng ibang puzzle games, ang Ball Sort Puzzle Online Game ay walang ‘time limit’ kaya pwede mong iwanan ang kasalukuyan mong level at balikan na lamang ito kapag wala nang pinagkakaabalahan.

Pagsusuri at Rating ng Ball Sort Puzzle Online Game

Ang Ball Sort Puzzle Online Game ay kasalukuyang merong 4.4 out of 5 average rating na nasa Google Play Store. Ito ay base sa mga pagsusuri at ratings ng mahigit sa 288,000 na nakagamit na ng larong ito. Ang karamihan sa mga nagbigay ng 5-star rating ay may magagandang feedback tungkol sa laro. Mayroon ding mga nagbigay ng rating na 1 star. Bagama’t  nagagandahan sila sa laro, hindi sila kuntento dahil hindi naman gumagana ang ‘ad free’ na bersyon nito. 

Ayon naman sa SensorTower, ang 4.4 na rating ay average mula sa mahigit 188,000 na nagbigay ng 5 stars, halos 50,000 na nagbigay ng 4 stars, mahigit 30,000 na nagbigay ng 3 stars, mahigit 6,000 na nagbigay ng 2 stars at mahigit 13,000 na nagbigay ng 1 star. Ang SensorTower ay isang online site na nangangalap ng mga rating galing sa iba’t ibang gumamit ng mga apps.

Narito ang mga piling feedback galing sa mga sumuri sa Ball Sort Puzzle Online Game:

Kahanga-hanga! Iyan ang buod ng isang feedback ng isang manlalaro. Mahal na mahal daw niya ang larong ito. Bagama’t kaka-install niya palang ito, natuwa at naadik siya agad at di na niya namalayan ang oras dahil babad siya sa paglalaro.

Ayon naman sa iba, maraming ads na lumalabas kada level ng laro. Maaaring tanggalin ang ads sa pamamagitan ng ad free feature ng laro sa halagang $1 pero hindi ito kinakailangan sapagkat hindi naman ito gumagana. Maiiksi naman daw ang ads na lumabas at wala namang masama na kumita ang mga creators sa larong ito.

Minahal naman ng isang manlalaro ang larong ito dahil naeensayo ang kanyang pag-iisip. Iyong tuwa sa paghahanay sa mga bola sa pamamagitan lamang ng pagta-tap at masayang pakiramdam kapag nakakatapos ng bawat level ay sobrang nakakaenganyo. Sigurado daw na tatalino ka sa paglalaro nito. 

Nagbigay naman ng mensahe sa mga creator at developer ang isang manlalaro kung saan nagpapasalamat siya sa paglalaan ng oras ng mga taong ito sa nakakatuwa at nakakaadik na larong ito. Sinusuportahan daw niya sila at umaasa siyang magpatuloy ang paggawa nila ng ikaliligaya ng mga manlalaro. 

Ball Sort Puzzle Online Game sa App Store

Ang developer ng Ball Sort Puzzle Online Game na IEC Global Pty Ltd ay naglabas rin ng ganitong laro sa App Store na pwedeng i-download, hanapin lamang ang “Ball Sort Puzzle”. Ang malaking ipinagkaiba ng dalawang laro ay ang ‘content rating’ ng bersyon na nasa App Store kung saan kailangan ay mahigit 12 na taong gulang pataas lamang ang pwedeng makapaglaro nito. Bagama’t mayroon itong paghihigpit sa edad, ang larong ito ay nagtala ng 4.7 out of 5 rating mula sa halos 117,000 na nakasubok na nito. Ito ay mas mataas kumpara sa mga naglalaro sa Google Play Store. Bukod pa roon, No.22 ang ranggo nito sa mga puzzle games ng App Store. Upang ma-download at ma-install mo ang laro, kailangan mo ng Apple na gadget na may iOS version na 10.0, pataas. 

Konklusyon

Ang Ball Sort Puzzle Online Game ay siguradong isa sa pinakanakakatuwa at nakakaadik na pampalipas-oras kung saan mapapraktis ang talino sa bawat paglutas mo sa maraming level sa laro. Maaaring marami nga itong ads ngunit di naman masasayang ang iyong oras dahil saglit lang ang mga ito. Bagama’t possibleng may sensitibong content ang larong mada-download sa App Store at edad 12 pataas lamang ang pinapayagang maglaro nito, nagtala ito ng mataas na 4.7 out of 5 average rating. Bukod pa roon, maaari rin naman itong i-download sa Google Play Store kung saan pwede itong laruin ng kahit na sino. Siguradong hindi ka magsisisi sa pag-download sa larong ito dahil subok na ito ng mahigit na 50 milyong players, na may 4.4 na average rating galing sa Google Play Store at mula sa mga positibong mga feedback at rekomendasyon. 

Gusto mo ba ng isa pa? I-download ang Big Win Club app para sa mas marami pang online games kasama ang mga totoong tao, na may patas na kumpetisyon at magbibigay sa iyo ng magandang pakiramdam.